05.04.2025 Скопје
Глобалната економија се соочува со зголемени ризици од рецесија до крајот на годината, предупреди инвестициската банка Џеј Пи Морган во својата најнова анализа. Според проценките на банката, шансите за рецесија се зголемени на 60%, што е значително повеќе од претходните 40%, прогнозирани на 12 март.
Како што објаснува Брус Касман, главен економист и раководител на глобалните економски истражувања во Џеј Пи Морган, главниот фактор што ја зголемува неизвесноста се политиките на САД.
Дестабилизирачките политики на САД со месеци се препознаваат како најголем ризик за глобалната перспектива – изјави Касман.
Според него, трговските политики на САД сè повеќе се насочуваат кон ограничувања што создаваат неповолна средина за бизнисот.
Најновите вести само ги зајакнуваат нашите стравови бидејќи американската трговска политика се развива во насока што е значително понеповолна за деловниот сектор отколку што очекувавме – додаде Касман.
Ова предупредување доаѓа во време на зголемена финансиска нестабилност и притисок врз глобалните пазари. Како што се приближува крајот на годината, инвеститорите со зголемено внимание ги следат економските сигнали, барајќи показатели кои би можеле да укажат на следните чекори во светската економија.
Подготвено од М.Д.
About Author
