16.04.2025 Скопје
Невремето и поплавите што ја зафатија Европа минатата година погодија 413.000 луѓе, покажа Европскиот извештај за климата, бидејќи загадувањето со фосилни горива го принуди континентот да настрада во текот на неговата најжешка година досега.
Драматични сцени од автомобили натрупани на поплавени улици и мостови кои ги откорнаа бесните порои, беа видени низ континентот во 2024 година, наведено е во извештајот за климата.
Двата најуништувачки примери беа поплавите што ја зафатија централна Европа во септември и источна Шпанија во октомври, кои беа причина за повеќе од 300 смртни случаи. Селест Сауло, генерален директор на Светската метеоролошка организација (СМО), рече дека секој пораст на температурата е важен, но дека општествата исто така мора да се прилагодат на пожешкиот свет.
Извештајот, кој беше објавен во вторникот од службата за климатски промени на ЕУ „Коперник“ покажа дека бројот на денови со „силен“, „многу силен“ и „екстремен топлотен стрес“ се втори највисоки досега.
Југоисточна Европа го доживеа својот најдолг топлотен бран кој е забележан во јули 2024 година, кој траеше 13 денови по ред, а високите горештини низ континентот придонесоа за деструктивни шумски пожари кои загрозија 42.000 луѓе, се вели во извештајот. Околу една четвртина од опожарената површина во Европа минатата година потекнува од разорните шумски пожари во Португалија во септември, во кои изгореа околу 110.000 хектари за една недела.
Подготвено од М.Д.
About Author
