04.04.2025 Скопје
Фудбалската репрезентација на РС Македонија останува на 67. позиција на најновата ФИФА ранг-листа која што искочи денеска.
Победата над Лихтенштајн на гостински терен и несреќното реми со Велс дома беа доволни избраниците на Благоја Милевски да останат на позицијата која што ја држеа уште од крајот на минатата година.
Од противниците во нашата квалификациска група за пласман на СП 2026, Белгија најдобро котира и во моментов е осма светска сила. Велс е 29 на ранг-листата, Казахстан е 113. додека Лихтенштајн е најслабопласиран и во моментов е 205.
На првото место останува Аргентина, пред Шпанија и Франција, а во топ 5 уште се наоѓаат и: Англија и Бразил.
Подготвено од М.Д.
About Author
