26.04.2025 Скопје
Кристијано Роналдо (40) е на еден чекор од потпишување нов договор со Ал Наср, а некои информации за зделката веќе протекоа во јавноста. Португалската суперѕвезда пристигна во Саудиска Арабија на почетокот на 2023 година, а оттогаш постигна 96 гола на 105 натпревари за саудискиот гигант.
Кристијано Роналдо (40) има договор со Ал Наср до летото 2025 година, а со оглед на тоа што се ближи крајот, не е изненадување што челниците на Ал Наср започнаа преговори за продолжување на договорот претходно оваа година.
Според шпанскиот весник „Марка“, потпишувањето е практично договорено, а Роналдо наскоро треба официјално да потпише нов двегодишен договор, кој би важел до летото 2027 година.
Покрај тоа, ќе има опција за дополнителна, трета година – што значи дека Португалецот би можел да игра во Саудиска Арабија до 2028 година, кога ќе има 43 години.
Роналдо веќе заработува рекордни 200 милиони евра по сезона (околу 3,8 милиони евра неделно!), но според новите информации, неговата нова плата ќе биде уште повеликодушна. Доколку навистина остане уште три сезони, неговиот вкупен приход ќе надмине неверојатни 600 милиони евра.
Некои извори откриваат дека Саудијците делумно ќе платат за Кристијано Роналдо – со злато! Според извештаите, станува збор за невиден договор во светот на спортот, а сопствениците на Ал Наср ќе му платат една третина од новиот договор во златни прачки!
Покрај тоа, Роналдо треба да добие и пет проценти од сопственичкиот удел во Ал Наср, што јасно потврдува колку клубот го цени и колку сериозно планира да соработува со него долгорочно надвор од теренот.
Доколку остане лојален на Ал Наср до крајот на неговото ново партнерство, Роналдо би можел да постигне уште еден историски гол – достигнувајќи ја пресвртницата од 1.000 голови во кариерата. Моментално му недостасуваат 67 гола, а со просек од еден гол на секои 96 минути, би можел да ја постигне таа цел за 72 натпревари.
Кристијано Роналдо продолжува да им пркоси на годините, а неговиот престој во Саудиска Арабија не само што носи спектакуларни бројки, туку и потврдува дека неговата фантастична фудбалска приказна сè уште не е завршена.
Подготвено од М.Д.
About Author
