17.04.2025 Скопје
Иако генетиката веројатно игра голема улога во очекуваниот животен век во овие региони, истражувањата покажаа дека не треба да се занемарат ниту движењето, социјалните односи, нивото на стрес и исхраната. Најголемиот оброк во денот во овие региони е појадокот, а најмалиот е вечерата.
Постојат неколку намирници кои најдолговечните луѓе ги јадат секој ден, а кога стомакот им е полн пред ручек или вечера, посегнуваат по здрави грицки.
Јаткасти плодови
Јаткастите плодови се вообичаена храна во повеќето заедници. Според National Geographic, адвентистите од Лома Линда кои секојдневно јадат јаткасти плодови имаат подолг животен век, понизок холестерол, помалку воспаленија и понизок крвен притисок од оние кои не јадат. „American Journal of Lifestyle Medicine“ наведува дека исхраната во сите пет сини зони е растителна, додека месото е само за повремена консумација. Поради ова, жителите поголемиот дел од мастите во исхраната ги добиваат од храна како што се јаткастите плодови и маслиновото масло.
Папаја
Папаја е секојдневна храна за жителите на Никои, Костарика и веројатно една од најздравите што ги консумираат. Папаја е богата со витамини Ц, Е и А, а е познато дека помага во намалување на воспалението во телото.
Леб од цело зрно
Најдолговечните луѓе на светот имаат една заедничка работа: се држат настрана од бел леб. Наместо тоа, тие јадат леб од цело зрно или кисело тесто.
Авокадо
Жителите на Лома Линда се главно адвентисти од седмиот ден. Освен што религијата им е многу важна, тие најмногу јадат вегетаријанска храна. Авокадото е нивната главна храна. Според една статија на National Geographic за сините зони, авокадото е добро за намалување на холестеролот и содржи 30 отсто повеќе калиум од бананите. Утврдено е дека авокадото помага и во управувањето со тежината и го намалува ризикот од дебелина и дијабетес тип 2.
Банани
Освен папаја, жителите на Никои секој ден јадат и банани, овошје богато со калиум, витамин Ц и растителни влакна. Јадењето доволно влакна во текот на денот е клучен дел од здравата исхрана. Влакната може да помогнат да се намали ризикот од дијабетес, да се подобри здравјето на срцето, па дури и да се намали ризикот од некои видови на рак.
Црн грав
Црниот грав е дел од секојдневната исхрана во Икарија, Грција и е откриено дека има својства ефикасни во спречување на рак и дијабетес, како и корисен за здравјето на срцето.
Кафе
Кафето е една од основните намирници во најздравите заедници во светот. Важно е како пиете кафе. Стогодишниците обично го пијат црно, без шеќер или млеко, можеби само со капка крем. Ова помага да се спречи преоптоварување со шеќер.
Чај
Ако не сакате кафе или сакате да избегнувате прекумерно внесување кофеин, чајот може да биде одлична алтернатива. Во Окинава, Јапонија, редовно се пие зелен чај со јасмин и куркума. Зелениот чај може да помогне да се намали ризикот од одредени видови на рак, да се намали воспалението во телото, да се забрза метаболизмот, па дури и да се подобри здравјето на мозокот со текот на времето. Додека зелениот чај е еден од најздравите избори за чај, многу други црни и билни чаеви исто така имаат многу здравствени придобивки.
Подготвено од М.Д.
About Author
