28.03.2025 Скопје
Се стравува дека најмалку шест лица загинале, а девет се повредени откако во четвртокот рано наутро потона туристичка подморница во близина на брегот на египетскиот град Хургада во Црвеното Море. Спасени се уште дваесет и девет лица. Повредените, меѓу кои четворица во критична состојба, се пренесени во блиските болници. Се претпоставува дека во подморницата имало околу 40 туристи.
Станува збор за подморницата Синдбад, која потона во близина на пристаништето. Синдбад веќе неколку години води туристички патувања во областа Хургада. Компанијата им овозможува на туристите да патуваат 25 метри длабоко во морето за да истражат „500 метри корален гребен и неговите морски жители“.
Ова не е прв инцидент во Хургада. Во ноември потона туристички брод наречен Sea Story, при што загинаа или исчезнаа 11 лица. Во тоа време, египетските власти ја припишаа катастрофата на огромниот бран до четири метри, но преживеаните рекоа дека се работи за безбедносен пропуст.
Подготвено од М.Д.
About Author
