05.03.2025 Скопје
Професионалниот фудбал во германскиот буџет во сезоната 2023/24. генерирал 4,6 милијарди евра даночен приход, наведува консултантската фирма McKinsey & Company.
Според истиот извор, даночните приходи од фудбалот се зголемени за четвртина во последните шест години.
За споредба, Мекинзи истакна дека германската влада годинава издвоила 4,4 милијарди евра за федералната полиција.
Во бројката од 4,6 милијарди се вклучени даночни приходи од ТВ права, спонзорства и угостителство и други услуги директно поврзани со професионалниот фудбал.
Во набљудуваниот период, фудбалот индиректно остварил уште 14,2 милијарди евра даночен приход и вработил 140.000 луѓе, од кои 10 отсто директно, а останатите во сродни дејности.
„Бундеслигата е важен економски двигател кој вработува значителен број луѓе и ја поттикнува продажбата во сродните сектори“, рече Марк Ленц, директор на Германскиот фудбалски сојуз.
„Нашите клубови се важен фактор во градовите и локалните заедници, не само поради нивното општествено значење, туку и значително придонесуваат економски“, додаде тој.
Мекинзи го проценил и ставот на граѓаните кон фудбалот во студијата, наведувајќи дека 41 отсто од испитаниците ја опишале Бундес лигата како важен дел од нивниот живот, а 12 отсто го кажале истото за религијата.
Подготвено од М.Д.
About Author
