26.03.2025 Скопје
BYD, кинескиот производител на автомобили, предизвикува сериозни главоболки на Тесла. Со приход од 107 милијарди долари во 2024 година, BYD го надмина Тесла за околу 10 милијарди долари, што дополнително ја потврди својата доминација на глобалниот пазар на електрични возила (EV)
Минатата недела BYD го претстави новиот систем за полнење кој овозможува опсег од 250 милји за само пет минути полнење. Нивните акции на берзата во Хонг Конг пораснаа за повеќе од 50% оваа година.
За разлика од Тесла, BYD бележи континуиран раст, особено во Кина – најголемиот пазар на автомобили во светот. Иако САД сè уште ги штитат домашните производители преку трговски ограничувања, BYD станува сè поприсутен на другите клучни пазари.
Тесла се соочува со сериозни проблеми. Глобалната продажба падна минатата година за прв пат во историјата, а се очекува падот да продолжи и оваа година. Кинеските брендови како BYD преземаат се поголем дел од пазарот, додека Тесла нема воведено никакви значајни иновации со години.
Дополнително, Тесла заостанува во развојот на автономното возење во споредба со конкурентите како Waymo на Google. Многу аналитичари ги намалија своите прогнози за Тесла, а инвеститорите ги продаваат нејзините акции веќе деветта недела по ред.
BYD нуди квалитет по пониска цена
Една од клучните причини за успехот на BYD лежи во нивната способност да произведуваат висококвалитетни возила по значително пониска цена. Нивниот најнов електричен седан, Qin L EV, нуди слични перформанси како Model 3 на Тесла, но по половина од цената од 16.500 долари.
Додека Тесла се обидува да лансира поевтина верзија на Model Y, масовното производство не се очекува пред 2026 година, што му дава дополнителна предност на BYD.
Потценувањето на Маск за BYD
Уште во 2011 година, Илон Маск ја исмеваше можноста BYD да стане сериозен конкурент на Тесла. Сепак, денес BYD не само што го надминува Тесла по приходи, туку и брзо го менува пазарот на EV ширум светот.
Иако Тесла сè уште доминира на американскиот пазар благодарение на тарифите, без овие заштити BYD би можел да стане вистински кошмар за Маск.
Подготвено од М.Д.
About Author
