03.03.2025 Скопје
Претседателот на Европскиот совет, Антонио Кошта денеска ќе престојува во Кишињев за да ја изрази целосната поддршка на ЕУ за Владата на Молдавија и за европската интеграција на земјата.
Со оглед на предизвикувачкиот политички контекст и безбедносните предизвици во регионот, оваа посета ја нагласува посветеноста на ЕУ на суверенитетот и европската иднина на Молдавија, соопшти Европскиот совет по повод посетата на Кошта на Кишињев.
Според најавата, предвидено е Кошта да се сретне со молдавската претседателка Маја Санду со која ќе разговара за напредокот на Молдавија во спроведувањето на реформите неопходни за пристапување кон ЕУ и за следните чекори во процесот на проширување.
Кошта вчера во Лондон учествуваше на состанокот на 15-тина европски лидери во Лондон посветен на Украина и зајакнувањето на безбедноста и одбраната на Европа.
Подготвено од М.Д.
About Author
