21.02.2025 Скопје
Се одложува воведувањето на системот ETIAS (European Travel Information and Authorization System) за издавање патна дозвола за државјаните на 50 земји, меѓу кои се и БиХ, Србија, Косово, Црна Гора и РС Македонија, кои не треба да имаат виза за влез во земјите на Шенген.
На интернет страницата на „Travel Europe“ се наведува дека системот нема да биде во употреба, без назнака кога би почнал. Досега воведувањето ан овој систем два пати беше одложувано.
Автоматизираниот EES (Entry/Exit System) IT систем за регистрација на државјаните на земјите кои не се членки на ЕУ, кои патуваат на краток престој, при секое преминување на границата, беше најавен за ноември 2024 година. Потоа се одложи за почетокот на 2025, но сега не е прецизирано за кога е планирано воведувањето на системот.
Системите ЕЕS и ЕTIAS имаат за цел да ја зајакнат безбедноста и да ги забрзаат процедурите за влез во ЕУ. Со новиот систем, секој граѓанин кој ќе сака да влезе во земја од ЕУ, својот влез треба да го најавува он-лајн и да плати еднократен надомест oд 7 евра.
Откако ќе профункционира системот EES, планирано беше да се воведе системот ETIAS кој дигитално ќе ги прикажува и следи патниците кои влегуваат и излегуват од земјите на ЕУ. Системот ќе ги проверува безбедносните податоци за патниците.
Подготвено од М.Д.
About Author
