13.02.2025 Скопје
Кина утрово ги повика САД да се вратат „на вистинскиот колосек“ на мултилатералниот систем на трговија, откако Вашингтон воведе царини за увоз на алуминиум и на челик.
Портпаролот на кинеското Министерство за трговија на редовна прес-конференција рече дека пристапот на САД кон царините е типичен чин на унилатерализам и протекционизам и сериозно им штети на правата и интересите на сите земји.
Портпаролот нагласи дека воведувањето на американските царини ја поткопува мултилатералната трговија заснована на правила.
Американскиот претседател Доналд Трамп воведе царини за увоз на челик и на алуминиум во САД на 10 февруари без никакви исклучоци. Претходно пак воведе царина од 10% за производите од Кина.
Медиумите објавија дека ова е нова фаза од трговската војна која американскиот претседател ја води против остатокот од светот.
Подготвено од М.Д.
About Author
