24.02.2025 Скопје
Европските берзански индекси денеска бележат најголем пораст, а заедничката европска валута зајакна во однос на доларот по парламентарните избори во Германија и победата на конзервативните демохристијани предводени од Фридрих Мерц, кои најавија дека во рок од два месеци ќе биде формирана нова влада.
Германија се соочува со економска стагнација и трговски тензии поради најавата на американскиот претседател Доналд Трамп дека ќе воведе увозни царини, а новата влада во Берлин се очекува да ја реформира „сопирачката за долг“ за да обезбеди дополнителни средства, јавуваат медиумите.
Индексот на Франкфуртската берза DAX во 9:15 часот порасна на 22.360,59 поени, британскиот FTSE 100 на 8.662,15 поени, московскиот MOEX на 3.302,85 поени, додека францускиот CAC 40 падна на 8.107,32 поени.
Вредноста на американскиот берзански индекс Dow Jones падна на 43.428,02 поени пред отворањето на берзите во САД денеска, индексот S&P 500 падна на 6.013,13 поени, а вредноста на Nasdaq индексот падна на 19.524,01 поен.
Според сегашните берзански податоци, цената на суровата нафта падна на 70.106 долари, а на нафтата од типот брент на 74.162 долари.
Европските фјучерси на гас за март се тргуваа на отворањето на берзата ТТФ по цена од 46.520 евра за мегават-час.
Цената на златото порасна на 2.943,18 долари за унца, а на пченицата падна на 5,8219 долари за бушел (бушел е 27,216 кг).
Вредноста на еврото во однос на доларот на берзата Forex изнесува 1,04853, што е приближно 0,25 отсто повисока од петокот.
Подготвено од М.Д.
About Author
