13.01.2025 Скопје
Студија покажала дека срцевите удари се 53% почести во зима.
Истражувачкиот центар за тромбоза на срцето и крвните садови на Универзитетот во Масачусетс, САД, објави голема клиничка студија во која биле испитани 259.894 пациенти со срцев удар. Во 102.725 случаи, инфарктот се случил во пролет, додека кај околу 157.169 случаи инфарктот се случил во зима, што покажало дека инфарктот е за 53% почест во зимскиот период.
Се верува дека причината за ова е повеќеслојна. Пред се, студеното време го зголемува крвниот притисок, со што се зголемува брзината на работата на срцето и се зголемуваат воспалителните процеси во телото, а сето тоа индиректно доведува до срцев удар.
Промената на животниот стил во смисла на намалена физичка активност, внесување повеќе калорична храна, зголемен внес на алкохол, зголемено пушење – доведува до зголемување на телесната тежина, што придонесува за појава на срцев удар.
Една од главните причини за појава на срцеви удари е екстремниот физички напор при чистење на снегот. Многу луѓе го добиваат првиот срцев удар додека го чистат снегот. Ова особено им се случува на луѓето кои водат седентарен начин на живот, со многу малку движење, па наеднаш наидуваат на голем физички напор при чистењето на снегот. Тие можат да почувствуваат првични симптоми како што се: болка и притисок во градите, отежнато дишење, па дури и болка, но обично ги игнорираат овие симптоми, кои се токму знаци на срцев удар. Ако симптомите траат подолго од 20 минути, може да доведат до срцев удар.
Луѓето со висок крвен притисок треба да се консултираат со својот лекар пред да се вклучат во напорна физичка активност како што е отстранување на снег.
За да се избегне срцев удар, се препорачува здрава исхрана во текот на целата година и одредена физичка активност, според возраста на личноста, во текот на целата година.
Срцевите заболувања најчесто се предвидливи, но со идентификација на факторите на ризик и начин на живот кој ќе ги држи под контрола, во повеќето случаи може да се избегне срцев удар.
Д-р Ракеш Бхаргава, директор на Центарот за превенција на кардиоваскуларни болести во Осава, Онтарио, Канада, советува: ако некој сака да чисти снег, треба да избегнува да пие кафе, да пуши, да пие многу течности, да се облекува топло и слоевито , за покривање на вратот и градите и носење шал за покривање на устата и носот.
Подготвено од М.Д.
About Author
