02.12.2024 Скопје
Новоизбраниот претседател Доналд Трамп во саботата побара од групата земји во развој посветеност на употребата на американскиот долар како нивна резервна валута и се закани дека ќе воведе царина од 100 отсто доколку се обидат да го напуштат.
„Идејата дека земјите од БРИКС се обидуваат да се оддалечат од доларот додека ние стоиме и гледаме е ЗАВРШЕНА“, напиша Трамп на својата платформа за социјалните медиуми Truth Social, мислејќи на акронимот за оригиналната група земји во блокот – Бразил , Русија, Индија, Кина и Јужна Африка. Геополитичкиот сојуз оттогаш се прошири за да ги вклучи Иран, Египет, Етиопија и Обединетите Арапски Емирати.
„Ние бараме посветеност од овие земји дека нема да создадат нова валута БРИКС, ниту да поддржат друга валута што ќе го замени моќниот американски долар или ќе се соочат со 100% царини и треба да очекуваат да се збогуваат со продажбата во прекрасната американска економија“.
Официјални лица од земјите на БРИКС разговараа за оддалечување од американскиот долар во последниве години, вклучително и на Самитот на БРИКС минатиот месец. Концептот се засили во 2022 година кога САД воведоа огромни економски санкции кон Русија поради нејзината војна во Украина.
Трамп, исто така, во својот пост рече дека земјите „може да одат да најдат друг ‘наивец’ Нема шанси БРИКС да го замени американскиот долар во меѓународната трговија и секоја земја што ќе се обиде треба да се збогува со Америка“.
Изјавата доаѓа откако новоизбраниот претседател ги засили своите тарифни закани, објавувајќи ги плановите за воведување царини од 25 отсто за Мексико и Канада и 10 отсто дополнителни царини за Кина поради илегалната миграција и трговијата со дрога во Соединетите Држави.
Подготвено од М.Д.
About Author
