12.12.2024 Скопје
Премиерот Христијан Мицкоски се сретна со Мирослав Лајчак, специјален претставник на ЕУ за Западeн Балкан и дијалогот Белград – Приштина, со кого, како што објави Мицкоски на социјалните мрежи, разговарале за стратешките аспирации на земјава и потребата Европската Унија да се заложи поинтензивно за забрзување на интегративните процеси кои пречесто се оптоварени со билатерални пречки и спорови.
Ја истакнав заложбата на РС Македонија за напредок на тој план како и нашите позиции во однос на надминување на пречките со источниот сосед. РС Македонија заслужува да биде член на европското семејство – напиша Мицкоски на својот официјален фејсбук профил.
Лајчак учествуваше на Седмата пленарна конференција на Националната конвенција за Европската унија во РС Македонија (НКЕУ-МК), што се одржа во Собранието, каде порача дека членството во ЕУ е најдобрата опција, како за РС Македонија, така и за регионот во овој момент на нов геополитички контекст.
Подготвено од М.Д.
About Author
