05.12.2024 Скопје
Украинските бегалци да најдат работа или да се вратат дома, вели германскиот канцелар, Олаф Шолц.
Тој изјави дека невработените украински бегалци мора да бидат охрабрени да се вработат или да се вратат во својата матична земја.
„Премногу од нив се тука толку долго, и, како да кажам, сега треба да започнат да работат“, рече Шолц пред пратениците во Бундестагот, Долниот дом на германскиот Парламент.
Германија мора да обезбеди услови што е можно повеќе Украинци и другите бегалци да бараат работа откако ќе го научат германскиот јазик и другите мерки за интеграција.
Два дена по неговата посета на Киев, Шолц објасни дека „долго“ разговарал со украинскиот претседател Володимир Зеленски за ова прашање.
Шолц објави дека Зеленски има за цел да „помогне да се постават украински авторитети во Германија и Полска за поддршка на Украинците“, тие или да најдат работа или да се вратат дома.
Властите во Киев го преименуваа Министерството за реинтеграција – кое е одговорно за помагање на Украинците кои се враќаат – во министерство за национално единство.
Повеќе од еден милион, главно жени со деца, се во Германија, но само над 260.000 украински бегалци имаат работа. Руската инвазија на Украина почна на 24 февруари 2022 година.
Подготвено од М.Д.
About Author
