23.12.2024 Скопје
Утринското кафе за луѓето ширум светот е незаменлив ритуал кој обезбедува енергија и фокус потребни за почеток на денот. Но, експертите тврдат дека времето на консумирање кафе игра клучна улога во неговото влијание врз организмот.
Оптимално време за првото кафе
Според Либи Галвин, која пишуваше на оваа тема, постои идеално време да го испиете првото кафе. Таа препорачува кафето да се конзумира околу 90 минути откако нивото на кортизол, хормонот на стрес, ќе го достигне својот врв. Кортизолот, кој на телото му дава чувство на будност, обично го достигнува својот врв 30 минути по будењето, а потоа почнува да опаѓа.
„Пијте кафе во рок од час и половина по будењето, кога нивото на кортизол почнува да опаѓа, за да го продолжите чувството на утринска фокусираност“, советува Галвин. Така, кафето служи како продолжување на природната будност, наместо предвремено да ја стимулира.
Сепак, кафето не е за секого. Професорот Спектор предупредува и на потенцијалните негативни ефекти од прекумерното внесување на кофеин, особено кај луѓето кои се чувствителни на него.
„Лицата кои се чувствителни на кофеин може да доживеат забрзан пулс и други непријатни симптоми, но овие ефекти обично не се трајни или фатални. Сепак, таквите лица треба да избегнуваат кафе“, рече тој.
И покрај ова, кафето содржи полифеноли и влакна за кои се покажало дека го подобруваат здравјето на цревата, но кај чувствителните поединци потенцијалната консумација може да ги надмине придобивките.
Како и со сите навики во исхраната, умереноста и прилагодувањето на индивидуалните потреби се клучот за здрав пристап.
Подготвено од М.Д.
About Author
