05.12.2024 Скопје
Иднината на Западен Балкан е во Европска Унија, истакна синоќа претседателот на Европски совет, Антонио Кошта по неформалната вечера со лидерите на Западен Балкан.
Да работиме тоа да се случи, објави Кошта на социјалната мрежа Икс, додавајќи дека тоа е пораката што тој заедно со високата претставничка за надворешна и безбедносна политика на ЕУ, Каја Калас и комесарката за проширување Марта Кос ја упатиле на вечерата со лидерите на Западен Балкан.
Неименуван извор истакна дека Кошта и лидерите од Западен Балкан разговарале за најновите случувања во регионот и поширокиот европски контекст, како и за тоа како најдобро да се поддржат партнерите да се приближат до ЕУ и да постигнат напредок во процесот на пристапување.
Кошта ги покани шесте лидери од Западен Балкан на неформална вечера во време кога ЕУ започнува нов лидерски циклус и нова стратешка агенда, со проширувањето како геостратешки приоритет, посочи неименуваниот извор.
На 18 декември во Брисел ќе се одржи Самитот ЕУ – Западен Балкан.
Подготвено од М.Д.
About Author
