13.11.2024 Скопје
Економските трошоци за климатските промени веројатно ќе бидат многу поголеми отколку што сугерираат првичните проценки, бидејќи новите анализи ги менуваат моделите што се користат за предвидување на најверојатните исходи.
Земајќи ги предвид најновите достапни податоци за климата, вклучувајќи го и рекордното затоплување, „проектираното физичко влијание“ на климатските промени врз глобалниот бруто домашен производ (БДП) е четирикратно зголемено до 2050-та година во некои сценарија, покажа извештајот на Мрежата за позеленување на финансискиот систем (NGFS).
Во извештајот се наведува дека не е доцна да се смени курсот.
„Силните негативни влијанија врз БДП може да се ублажат со напорите за навремена транзиција“, велат од „NGFS“, кој претставува повеќе од 140 централни банки и супервизори.
Предупредувањето на групата доаѓа по мрачното ажурирање на климатските влијанија од Обединетите нации, кои минатиот месец објавија дека светот сега е на пат глобалните температури да се зголемат за 3,1 Целзиусови степени над прединдустриските нивоа, врз основа на сегашните политики.
Со пораст од околу 3 степени, според „NGFS“, загубите на глобалниот БДП би достигнале приближно 30%.
Дури и ако владите ги спроведат сите реформи што ги ветија досега, просечната глобална температура ќе се зголеми за 2,6 степени, многу над прифатливиот праг од 1,5 степени.
Глобалните инвестиции ќе треба да се зголемат помеѓу 900 и 2,1 трилиони долари годишно – приближно 1% од вкупното светско економско производство – за да се постигне јаглеродна неутралност до 2050-та година, велат ОН.
„NGFS“ вели дека е потребна „значителна економска трансформација која ќе влијае на сите сектори на економијата“ за да се елиминираат сите емисии до средината на векот. Фактот дека досегашните напори за спроведување на политиките за климатски промени останаа бавни значи дека владите ќе треба да преземат „поамбициозен пристап понатаму“.
Недостатокот на навремена акција, исто така, значи дека ќе има „повисоки нивоа на емисии во блиска иднина и попречка транзиција отколку што се очекуваше“, предупреди групата.
Клучен лост за намалување на емисиите е цената на јаглеродот, за кој „NGFS“ вели дека останува далеку под нивото што треба да биде за да се поттикнат вистинските промени.
Додатоци на јаглерод од околу 300 долари по тон ќе бидат потребни „до 2035-та година за да се поттикне транзицијата кон јаглеродна неутралност до 2050-та година“, велат од „NGFS“.
Во Европа, дом на најголемиот светски пазар за јаглеродни додатоци, еден метрички тон јаглерод моментално се продава за околу 66 евра.
„Ограничувањето на порастот на температурата на 1,5 степени Целзиусови над прединдустриските нивоа на организиран начин е остварливо, иако тоа ќе бара значително поголем напор“, заклучува „NGFS“.
Подготвено од М.Д.
About Author
