17.10.2024 Скопје
После официјалните резултати на Пописот на населението во Црна Гора, јасно е дека ќе биде покрената постапка за српскиот јазик да стане службен јазик, соласно резултатите на пописот на населението.
На него 43,18% од населението се изјаснило дека зборуваат на српски јазик.
„ По објавувањето на официјалните резултати од Пописот на населението, домаќинствата и становите во Црна Гора, беше потврдено дека српскиот јазик е најзастапен во нашата земја, што го зборуваат 43,18 отсто од граѓаните (269.307). Овие резултати го потврдуваат она што долго време е присутно во секојдневниот живот на граѓаните, што е дека мнозинството од населението го користи српскиот јазик како свој примарен јазик “, рече Марко Милачиќ, претседателот на „Вистинска Црна Гора“.
Тој посочи дека пописот служи како клучен инструмент за креирање на долгорочни национални политики во различни области – од образованието и културата, до официјалната употреба на јазикот и други важни општествени аспекти.
„Преку пописот, кој се спроведува на секои десет години, добиваме увид во клучните промени и трендови во нашата држава, кои треба да се одразат и во јавните политики. Последните податоци укажуваат на континуиран пораст на бројот на граѓани кои изјавуваат дека зборуваат српски јазик, со што се потврдува долгогодишното значење на српскиот јазик кај нас“, рече Милачиќ.
Подготвено од М.Д.
About Author
