04.10.2024 Скопје
Бразилскиот фудбалер на Ал-Хилал, Нејмар може да се врати во Барселона следното лето.
Според шпанскиот спортски портал, главна трансфер цел на Каталонците за летото 2025 година е напаѓачот на Манчестер сити, Ерлинг Халанд. Доколку договорот не успее, „блауграните“ ќе бараат враќање на Нејмар, кој би можел да стане слободен агент.
Барселона е заинтересирана да потпише со квалитетен страничен напаѓач на слободен трансфер.
Нејмар играше за Барселона од јули 2013 до август 2017 година. Минатото лето Бразилецот потпиша двегодишен договор со Ал-Хилал. Оттогаш, фудбалерот одигра пет натпревари за тимот од Саудиска Арабија, по што заработи повреда на вкрстените лигаменти.
Триесет и двегодишниот Нејмар има пазарна вредност од 30 милиони евра.
Подготвено од М.Д.
About Author
