30.10.2024 Скопје
Во 2021 година, една мајка во Германија имала во просек 1,58 деца, но според најновата статистика на Институтот за економски истражувања, таа сега има само 1,35. Исто така, забележливо е дека во покраините на истокот на Германија (поранешна ГДР) стапката на наталитет е уште пониска отколку во западна Германија.
Според германскиот завод за статистика, оваа година до крајот на јули се родени околу 392.000 бебиња – од речиси 83,5 милиони жители. Тоа е за три проценти помалку од истиот период лани, што значи дека трендот што започна во 2022 година продолжи.
Посебно е интересно што во Германија ситуацијата изгледаше како да се подобрува: во 2013 година имаше 682.000 бебиња, во 2015 година веќе 737.000, а во 2016 година веќе беше некаде околу 800.000. Во 2021 година, имаше 795.500 пара родители кои купуваа пелени за своето бебе, но тогаш трендот повторно се промени. Додека во тоа време сè уште имаше повеќе од девет бебиња на 1.000 жители, сега има само 8,2 – дури и помалку од пред десет или петнаесет години.
Подготвено од М.Д.
About Author
