03.10.2024 Скопје
БМВ ја повика Германија да ги отфрли новите царини за кинеските електрични автомобили.
Баварскиот производител на премиум автомобили ја повика германската влада да гласа против воведувањето нови тарифи за електричните автомобили произведени во Кина. Шефот на BMW тврди дека овие тарифи ќе создадат трговски спор во кој нема да има победници.
Баварскиот производител на автомобили врши притисок врз владата во Берлин да ги отфрли царините за електричните автомобили од кинеско производство. Земјите-членки на Европската унија во четврток ќе гласаат за воведување нови конечни царини за овие автомобили.
БМВ на тој начин им се придружува на другите германски марки, како Фолксваген и Мерцедес-Бенц, кои се изјаснуваат против воведувањето нови даноци.
Во официјалното соопштение, Оливер Зипсе, шеф на BMW, рече: „Дополнителните тарифи влијаат на компаниите во оваа глобално активна земја и може да предизвикаат трговски спор во кој нема да има победници“.
„Германската влада треба да заземе јасен став против тоа“, додаде Зипсе.
Конечните стапки на новите тарифи за кинеските електрични автомобили ќе се гласаат на 4 октомври. Доколку се воведат, некои електрични автомобили од кинеско производство ќе се соочат со царини до 45 проценти кога ќе се увезат во Европа.
Во вторникот, неколку германски владини претставници посочија дека Германија ќе се воздржи, што значи дека нема да гласа против тарифите. Владата во Берлин очекува другите влади на ЕУ да се воздржат од гласање.
Подготвено од М.Д.
About Author
