03.10.2024 Скопје
Растоварувањето на стотици контејнери со увезени зрна кафе на пристаништата на источниот брег на САД е запрено со штрајк на пристанишните работници, што го влошува и онака оскудното снабдување со кафе во земјата.
Одложувањата во испораката на увезено кафе до американските потрошувачи би можеле дополнително да ги зголемат цените на зрната кафе, кои минатата недела достигнаа највисоки нивоа во последните неколку години.
Залихите на кафе во САД се на историски најниски нивоа, велат трговците, бидејќи увозниците избегнувале складирање залихи за да ги намалат трошоците за складирање во период на високи каматни стапки.
Околу 45.000 пристанишни работници во 36 пристаништа, членки на Меѓународната асоцијација на шпедитерите, неодамна започнаа со прекин на работата откако истече постоечкиот договор меѓу нив и пристаништата.
Штрајкот се случи поради недоволните плати и стравот од губење на работни места по планираната автоматизација на пристаништата.
Подготвено од М.Д.
About Author
