16.09.2024 Скопје
Манчестер Сити, фудбалскиот гигант осомничен за дури 115 финансиски прекршоци, во понеделник конечно ќе биде под истрага од независна комисија по повеќемесечно чекање и шпекулации.
„Среќен сум што почнува во понеделник“, прокоментира во петокот тренерот на англискиот гигант Пеп Гвардиола, кој пред тоа иронично додаде: „Знам дека ќе има и други гласини, нови стручњаци во врска со санкциите“.
Бројот на обвиненија против клубот (115) и педигрето на обвинетиот, четирикратен последователен шампион на Англија, нудат невиден и спектакуларен карактер на она што медиумите го нарекоа „спортско судење на векот“. Сепак, нема судија ниту порота, туку само затворени врати на независната комисија, која треба да ги бележи зборовите на двата табора неколку седмици на непозната локација, пред, според најоптимистичките проценки, да донесе одлука на почетокот на 2025 година.
Премиер лигата, организаторот на најгледаното фудбалско првенство во светот, смета дека Манчестер Сити свесно ги заобиколил финансиските правила наметнати во периодот од 2009 до 2018 година за да ги поттикне неговите спортски амбиции. Во тој интервал „Граѓаните“ трипати ја освојуваа шампионската титула, а потоа и Лигата на шампионите во 2023 година.
Поточно, Манчестер Сити беше обвинет за заобиколување на финансиските регулативи на англиската лига откако во 2008 година беше преземен од конзорциумот Abu Dhabi United Group (ADUG), во сопственост на шеикот Мансур. Се сомнева дека холдинг-компанијата инвестирала многу, надвор од наметнатите ограничувања, тајно насочувајќи ги своите пари преку „Etihada“, емиратскиот воздухопловен партнер на клубот, испонзор на дресот и стадионот. Таа наводно плаќала непријавени додатоци на плата на Роберто Манчини, еден од поранешните тренери, и на поединечни играчи.
Манчестер Сити мора да одговара и за наводните прекршувања на финансискиот фер-плеј од страна на УЕФА (период 2013-2018) и Премиер лигата (2015-2018 година) Севкупно, клубот се соочува со 115 обвиненија: 80 финансиски прекршувања (период 2009-2018 година). дополнителни 35 поради наводна несоработка во истрагата.
Санкциите, доколку ги има, можат да одат до одземање на бодови, па дури и исклучување од англискиот шампионат, кој Сити го има освоено шест пати од последните седум изданија.
Подготвено од М.Д.
About Author
