18.09.2024 Скопје
Поранешниот американски претседател и републикански претседателски кандидат Доналд Трамп изјави денеска дека има „слабост“ во напорите да се заштити и дека долго време бара повеќе персонал во неговиот тим за безбедност.
„Долго време баравме повеќе луѓе, повеќе мажи и жени, повеќе луѓе. Имаме собири од 50 до 60.000 (луѓе). Во Њу Џерси имавме 107.000 луѓе. Тоа е добра работа, но ви треба повеќе заштита и ние баравме повеќе луѓе долго време“, изјави Трамп, два дена откако се случи вториот наводен атентат додека тој играше голф во Западен Палм Бич.
Вршителот на должноста директор на американската тајна служба, Роналд Роу Џуниор, во понеделникот им изјави на новинарите дека средствата за безбедноста на Трамп дополнително се зголемени во јули, кога беше првиот обид за атентат.
Појавувањето на Трамп на „Фокс њуз“ беше негово прво појавување во јавноста по вториот обид за атентат врз него во неделата.
Во интервјуто, тој исто така рече дека би сакал да се сретне со жената која наводно ги предупредила властите дека возилото го управува човекот Рајан Весли Рот (58), обвинет за последниот заговор за атентат.
Осомничениот Весли Рот побегнал од теренот за голф каде што наводно планирал да го убие Трамп пеш, а потоа со возило.
„Жената која беше во автомобилот го виде мажот на улица и го следеше. Кога застана, таа го паркираше својот автомобил и почна да ги фотографира неговите регистарски таблички, а потоа ги испрати тие слики во полиција“, рече Трамп и ја пофали жената за нејзината трудољубивост и внимание на деталите.
„Не сум ја запознал, но би сакал да ја запознаам. Ќе се сретнам со неа, се надевам“, изјави републиканскиот претседателски кандидат.
Подготвено од М.Д.
About Author
