12.09.2024 Скопје
Промената на времето ги зафати и другите делови на Европа. Метеоролозите во Германија најавуваат пад на температурата за 20 степени. Во некои региони би можело да падне рекордно количество дожд.
„Може да има големи поплави во југоисточна Германија и соседството, во Австрија и Чешка. Доколку сегашните пресметки се остварат, „сè би било под вода“ во големи делови на јужна Баварија“, предупреди метеорологот Роналд Поршке.
Метеорологот Албан Бурстер е загрижен и за пресметките што метеоролозите ги направија во понеделникот.
Да се надеваме дека сегашните предвидувања нема да се остварат. Во спротивно, нема повеќе да зборуваме за долината Ахр, туку за „југоисточниот милениумски потоп“, рече тој.
Друг метеоролог предвидува можност за катастрофа.
„Над северна Италија се формира облак од бура, кој за време на викендот ќе се движи кон Балканот и ќе се приклучи на друга ќелија над Источна Европа. Буквално ја впива водата и произведува огромни количини дожд. Може да се очекуваат поплави во делови од источна Австрија, Чешка, Словачка и Полска, кои локално може да се претворат во катастрофа“, изјави метеорологот Александар Кениг.
Метеорологот Јунг изјави дека на Алпите може да паднат два до три метри снег.
„Очекуваме исклучително насилна промена на времето каква што ретко се гледа. До викендот може да наврнат два до три метри свеж снег. Делови од Европа се изложени на голем ризик од поплави“, предупреди германскиот метеоролог Доминик Јунг.
Подготвено од М.Д.
About Author
