05.09.2024 Скопје
Утрово имало пукање во центарот на Минхен, во близина на Нацистичкиот центар за документација и Генералниот конзулат на Израел.
„Во областа Каролиненплац полициските сили пукаа кон сомнително лице и лицето беше погодено“, напиша полицијата на Х. Не се знае во каква состојба е лицето во кое е пукано, ниту за кого се работи.
Засега нема информации за можни други осомничени. Полицијата ги повика граѓаните да ја избегнуваат областа. Сообраќајот е блокиран на местото на настанот.
На социјалните мрежи е објавено видео на кое се слушаат бројни истрели.
Германската полиција соопшти дека на социјалните мрежи веќе се шират дезинформации. Тие ги повикаа граѓаните да не учествуваат во ширење лажни информации и да не објавуваат снимки од настани.
Подготвено од М.Д.
About Author
