12.09.2024 Скопје
Инфлацијата во август во однос на јули е 0,5 отсто, а најголем раст има на трошоците за храна и безалкохолни пијалаци. Трошоците на животот во август годинава, во однос на август минатата година, бележат зголемување од 2.2 проценти, а цените на мало од 3 проценти.
Информацијата денеска ја објави Државниот завод за статистика (ДЗС). Зголемувањето на инфлацијата во август 2024 година, во однос на јули 2024 година, е поради зголемувањето на трошоците на животот во групите: храна и безалкохолни пијалаци за 1.2 проценти, рекреација и култура за 1.1 процент, здравје за 0.8 проценти, ресторани и хотели за 0.7 проценти, домување, вода, електрика, гас и други горива за 0.6 проценти, мебел, покуќнина и одржување на домаќинствата, комуникации за 0.5 проценти, алкохолни пијалаци, тутун и наркотици за 0.1 процент.
Во август 2024 година, во однос на јули 2024 година, намалување на трошоците на животот има во следните групи: транспорт за 2.2 проценти, облека и обувки, разновидни стоки и услуги за 0.3 проценти.
Oд месец на месец, инфлацијата се менува.
Подготвено од М.Д.
About Author
