26.09.2024 Скопје
Само 2.781 луѓе од светската популација од 8 милијарди го достигнале тој статусот на милијардери, многу помалку од нив имаат нето вредност од повеќе милијарди долари, но само неколкумина ја достигнуваат посакуваната позиција од 100 милијарди долари.
Но, сега постои уште попозната група: клубот од 200 милијарди долари. И само тројца од најголемите технолошки лидери го достигнаа тој статус: основачот на Amazon, Џеф Безос, извршниот директор на Tesla, Илон Маск, и сега извршниот директор на Meta, Марк Цукерберг
Цукерберг, сепак, не само што се проби во клубот од 200 милијарди долари – тој е и најголемиот победник на листата, собрајќи десетици милијарди нови долари во богатство оваа година.
Неговото богатство порасна за огромни 72,2 милијарди долари оваа година, според индексот на милијардери на Блумберг, со што неговото вкупно нето богатство достигна 200 милијарди долари.
Извршниот директор на Nvidia, Џенсен Хуанг, го забележа вториот најголем скок во нето вредноста оваа година, добивајќи нови 58 милијарди долари. Ако се земе предвид растот, Маск има највисоко нето богатство со вкупно 265 милијарди долари, а по него е Безос со 216 милијарди долари.
Ова го става Цукерберг пред другите големи технолошки директори, вклучувајќи го и ко-основачот на Oracle, Лери Елисон и двајцата основачи на Microsoft, Бил Гејтс и Стив Балмер.
„Ја дефинирам нашата стратегија како да можеме да учиме побрзо од која било друга компанија, ние ќе победиме“, рече Цукерберг за време на снимањето на подкастот Acquired минатата недела. „Ќе направиме подобар производ од сите други бидејќи ќе бидеме првите што ќе го објавиме. Учиме побрзо“.
Додека Цукерберг, кој го основа Фејсбук пред 20 години, добива само 1 долар официјална плата, тој тоа го надополнува со „друга компензација“ и огромниот сопственички удел во Мета, која освен со Фејсбук управува и со Инстаграм, „Тридс“ и „Ватсап“.
Тој е најголемиот акционер на матичната компанија на Фејсбук и поседува околу 345,5 милиони акции, се вели во априлската изјава на претставникот на Мета. Покрај тоа, тој зел 24,4 милиони долари како „друга компензација“ оваа година. Голем дел од таа друга компензација оди за правната одбрана на Цукерберг, исто како и за другите извршни директори од висок профил.
Мета покажа добри резултати оваа година. Од почетокот на 2024 година, акциите на компанијата се зголемија за неверојатни 60%, а уште поимпресивни 85% од година во година. Во вторникот го отвори тргувањето со повеќе од 557 долари по акција.
Цукерберг го припишува фокусот на компанијата на вештачката интелигенција за силните перформанси на Мета оваа година.
„Meta AI е на пат да биде најкористениот асистент за вештачка интелигенција (ВИ) во светот до крајот на годината“, рече тој во изјавата за заработка во јули. Навистина, приходите се зголемија за 22% до 39,07 милијарди долари од 32 милијарди долари во вториот квартал.
Подготвено од М.Д.
About Author
