16.08.2024 Скопје
Скопје вчера било шестото најтопло место во Европа, со 41,7 степени, според податоците на метеоролошката служба Огимет.
Најтоплите места во Европа според Огимет вчера биле градовите Ајдин и Маниса во Турција со 42,8 степени.
Во 14 часот на третото место се најде Зеница (Босна и Херцеговина) со 42,7 степени, Денизли во Турција е четврто со 42,1 степен, а Мостар (Босна и Херцеговина) е петти со 42 степени.
На шестото и седмото место со 41,7 степени се Скопје и Ахисар (Турција).
На осмото, деветтото и десеттото место се Адијаман и Батман од Турција и Ѓирокастро од Албанија со 41,6 степени.
Огимет, веб-страница што објавува стручни информации за метеоролошките услови во светот, собира температурни вредности на 2.809 станици во Европа.
Подготвено од М.Д.
About Author
