16.08.2024 Скопје
Шведска би можела да ја прошири програмата во рамки на која мигрантите кои се борат да се интегрираат во општеството ќе се охрабрат да заминат, се вели во предлогот доставен до министерката за имиграција Марија Малмер Стенергард.
Таканаречената шема на „доброволна репатријација“ која моментално е во сила во Шведска им нуди на бегалците и мигрантите еднократна исплата од 10.000 шведски круни (околу 960 долари) по возрасен и 5.000 по дете, плус патни трошоци, доколку се согласат да ја напуштат земјата.
Сепак, истражната комисија препорача проширување на оваа програма за да ги вклучи не само имателите на дозволи за привремен или постојан престој – туку и натурализираните шведски државјани и членовите на нивните семејства.
Извештајот, кој беше поднесен оваа недела, предложи и спроведување на барање за отплата за оние кои добиле готовина, но не заминале.
Во исто време, отфрлен е предлогот за зголемување на износот, поради загриженоста дека тоа би можело да испрати „погрешен сигнал“ до мигрантите дека „не се добредојдени“.
„Развој кон одржлива имиграција е неопходен за зајакнување на интеграцијата и намалување на социјалната исклученост“, рече Стенергард.
Подготвено од М.Д.
About Author
