16.08.2024 Скпје
Северна Кореја повторно ќе се отвори за странски туристи во декември, речиси пет години откако целосно ги затвори своите граници поради ковид пандемијата. Два туристички оператора од Кина потврдија дека туристите наскоро ќе можат да го посетат планинскиот северен град Самџијон.
Северна Кореја почна да ги ублажува рестрикциите дури во средината на минатата година. Во почетокот на оваа година, на група руски туристи ѝ беше дозволено да ја посети земјата.
„Засега е потврдено дека ќе може да се посети Самџијон, но веруваме дека ќе се отворат и Пјонгјанг и други места“.
„Корјо турс“ од Пекинг кажа дека севернокорејските власти ќе дозволат туристите од сите држави да се придружат на овие тури, освен од Јужна Кореја. Сепак, САД им забрануваат на своите граѓани да патуваат во Северна Кореја.
Северна Кореја многу инвестираше во Самџијон во изминатите години, при што е најавено дека тамошната воена скијачка база ќе се претвори во одморалиште и ќе се изградат нови хотели за туристи. Градот се наоѓа во подножјето на највисоката планина во Северна Кореја, Паекту и е познат по своите зимски атракции.
About Author
