16.08.2024 Скопје
Навистина немаме ништо ново да кажеме на темата за повторното отворање на мостот, како и за сите случајни коментари на кои се повикувате, изјави за Косово онлајн портпаролот на ЕУ, Петер Стано, прашан за коментар за изјавата на косовската претседателка Вјоса Османи, која неговите претходни изјави за мостот ги нарече „расистички“.
Можам само да потсетам за сите оние што имаат проблем да слушаат и да разбираат, дека сите пријатели и сојузници на Косово (ЕУ, САД, НАТО, Британија…) кажаа многу јасно и недвосмислено дека тоа во интерес на Косово е да ги слуша пријателите и сојузниците, инаку ризикува да биде оставено само. Исто така, можам да го повторам она за што неколку пати ја советувавме Приштина: доброто владеење значи да се допре до заедниците и да се ангажира со нив, кои се засегнати од конкретните одлуки. Да се занимавате со прашањето на мостот во рамките на дијалог со поддршката на ЕУ значи да се разговара за модалитетите на имплементацијата на веќе постигнатите договори на мостот, а не за нови договори. Треба навистина да се слушаат и да се направи напор да се разберат едногласните добронамерни совети на сите пријатели и сојузници“, рече Стано во одговорот за Косово онлајн.
Вјоса Османи посочи дека Србија не се прашува за отворањето на главниот мост на Ибар, како и дека „Стано кога поминува по мостовите во својата земја не бара дозвола од соседите“, нарекувајќи ги неговите изјави расистички.
„Што се однесува на Европската Унија, изјавите на портпаролот на оваа институција се пред сѐ расистички, па не ни верувам дека заслужуваат поголемо внимание од моја страна. Нема причина за нивните расистички изјави и се противам на дискусијата за отворање на мостот Ибри во Брисел. Никој не треба да прифати дијалог со Србија на оваа тема, тоа би било против уставот и против суверенитетот на Косово, но дијалогот со нашите спасители не само што е неопходен, туку пред сѐ е во наш интерес“, рече Османи.
Подготвено од М.Д.
About Author
