27.08.2024 Скопје
„Ова беше тероризам, тероризам против сите нас“, изјави Олаф Шолц пред новинарите откако положи цвеќе на местото на нападот во спомен на жртвите.
Нападот, за кој полицијата верува дека го извршил осомничен член на Исламска држава од Сирија, ги поттикна политичките тензии околу правилата за азил и депортација, како и насилниот криминал пред трите национални избори следниот месец.
„Ќе мораме да направиме сѐ што можеме за да обезбедиме оние кои не можат и не смеат да останат во Германија да бидат вратени во нивната земја и депортирани“, рече Шолц.
Минатата година властите планирале да го депортираат осомничениот за нападот со нож во петокот, 26-годишен Сириец, во Бугарија, но депортацијата била неуспешна, бидејќи човекот не бил во неговото сместување за бегалци кога властите се обиделе да ја спроведат мерката, според извештаите.
Осомничениот, 26-годишниот Сириец Иса ал-Х., од синоќа е во притвор, под сомнение за убиство и под обвинение за припадност на терористичката група „Исламска држава“, која, ја презела одговорноста за нападот и во неделата објави видео за кое се вели дека се гледа сторителот.
Се уште не е јасно кога е снимено видеото и дали осомничениот е извршител на нападот.
Подготвено од М.Д.
About Author
