09.08.2024 Скопје
Пратениците во бугарскиот парламент во последно читање го усвоија предлог-законот за транзиција кон еврото како национална валута, објавија локалните медиуми.
„Со нацртот се уредуваат принципите, рамката и процедурите за пуштање на еврото во оптек во Бугарија, се утврдуваат прописите за транзицијата и се воведува транзициски период кој на граѓаните ќе им овозможи време да се прилагодат на новата валута“, пишуваат медиумите.
Сè уште не е познат датумот на пуштање на еврото во оптек во Бугарија, бидејќи треба да го одреди Европскиот совет.
Бугарските медиуми посочуваат дека, по стапувањето во сила на законот, режимот на користење на две валути, бугарскиот лев и еврото, ќе остане во Бугарија еден месец. На крајот на преодниот рок, бугарскиот лев треба целосно да се повлече од оптек.
Цените на стоките и услугите ќе бидат означени во две валути за една година.
На почетокот на јуни бугарските медиуми, повикувајќи се на извори во Брисел, објавија дека Бугарија не ги исполнила сите неопходни критериуми за премин кон еврото и дека нема да влезе во еврозоната до 1 јануари, што е најмалку една година подолго. од планираното.
Подготвено од М.Д.
About Author
