21.08.2024 Скопје
Поранешниот американски претседател Барак Обама и неговата сопруга Мишел синоќа им се обратија на делегатите на конвенцијата на Демократската партија, каде што ја поддржаа Камала Харис во трката против Доналд Трамп, велејќи дека таа е личност која сака да им даде на сите луѓе еднакви можности.
Како прв црномурест претседател во американската историја, Обама има голема политичка репутација, а на конвенцијата на Демократската партија имаше многу зборови на поддршка за Камала Харис, која доколку победи на изборите во ноември ќе стане првата жена да ги води САД.
„Не знам за вас, но се чувствувам возбуден“, рече Обама во обраќањето пред делегатите на партиската конвенција во Чикаго.
„Имаме можност да избереме личност која работела цел живот за да им ги обезбеди на сите луѓе истите можности што Америка ѝ ги пружила“, рече тој.
Покрај него, на конвенцијата пристигна и неговата сопруга Мишел, која многу демократи сакаат да ја видат во иднина како претседател.
„Америко, ни се врати надежта“, рече таа, на силен аплауз од публиката.
Мишел Обама во својот говор го допре републиканскиот кандидат Доналд Трамп.
„Тој човек направи сè што можеше за да ги натера луѓето да се плашат од нас“, рече таа, мислејќи на себе и нејзиниот сопруг, кој живееше во Белата куќа од 2009 до 2017 година.
Неговите ограничени светогледи и погледи на светот доведоа до тоа да се згрози од појавата на двајца вредни, високообразовани, успешни луѓе, кои исто така се црномурестии“, нагласи Мишел Обама, по што доби уште еден аплауз од публиката.
„Кој ќе му каже дека работата за која повторно се пријавил би можела да биде само една од тие „црномурести работни места“?“, праша таа, што ја насмеа толпата.
Потпретседателката на САД и демократска кандидатка за нов претседател, Камала Харис, се приклучи на конвенцијата виртуелно, од предизборниот митинг во Милвоки.
Во тој момент делегатите во Чикаго подигнаа транспаренти со натпис „Слобода“.
Интересно, Харис зборуваше од истото место каде што пред еден месец републиканците ја одржаа својата конвенција и официјално го избраа Доналд Трамп за свој кандидат.
Во својот говор, Харис го критикуваше Трамп, кој рече дека не жали за одлуката на Врховниот суд од 2022 година, кој ја поништи пресудата Роу против Вејд од 1973 година. Тоа е пресуда со која жените имаат уставно право на абортус.
„Верувам дека лошото однесување не може да помине без последици. Ќе се погрижиме да се соочи со последиците, а тоа ќе се случи на гласачките места во ноември“, рече Харис.
Во претстојната кампања, демократите гледаат на правата за абортус како едно од прашањата што може да им донесе победа.
Подготвено од М.Д.
About Author
