17.07.2024 Скопје
Привремената влада ќе ги води секојдневните работи во втората по големина економија во еврозоната, но не може да предлага нови закони до парламентот или да спроведе големи промени, велат експертите.
Нејзината улога ќе вклучува обезбедување дека Олимпијадата, која започнува на 26 јули, ќе се одвива непречено.
„Решавањето на тековните работи значи спроведување мерки за кои се веќе одлучени и управување со итни случаи што се појавуваат. Ни повеќе, ни помалку“, рече Матје Дисант, професор по право на парискиот универзитет Пантеон-Сорбона.
„Владата во заминување е лишена од сите нејзини овластувања. Ова целосно, и сосема логично, ја лишува од секаква можност за политичко дејствување“, додаде тој.
Имаше привремени влади во Франција и претходно, но ниту една не траеше повеќе од неколку дена. Нема одредено ограничување за тоа колку долго може да ја извршува функцијата вршител на должноста претседател, а парламентот не може да го принуди да поднесе оставка.
Строгите правила за поделба на власта обично не дозволуваат министрите во Франција да бидат истовремено и пратеници.
Сепак, нивните оставки, дури и ако останат во привремената влада, ќе му овозможат на Атал и на другите членови на кабинетот да седнат во парламентот и да учествуваат во изборот на претседател на собранието кога ќе се состанат во четврток, велат експертите.
Подготвено од М.Д.
About Author
