10.07.2024 Скопје
Вилијам Стампфл исчезнал во јуни 2002 година, кога имал 59 години, кога лавина ја затрупала неговата група за качување на планината Хуаскаран.
Напорите за пребарување и спасување биле неуспешни.
Перуанската полиција соопшти дека неговите останки конечно биле пронајдени откако мразот се стопил поради климатските промени.
Неговото тело, како и облеката, појасот и чизмите, биле многу добро сочувани поради студот. Меѓу предметите бил пронајден и неговиот пасош, што на полицијата ѝ овозможило да го идентификува.
Хуаскаран е висок повеќе од 6.700 метри и е дел од синџирот Cordillera Blanca на Андите.
Планините се популарни кај планинарите ширум светот, но тие можат да бидат фатални.
Перу изгуби повеќе од половина од областа на глечерите во изминатите шест децении, при што 175 глечери целосно исчезнаа поради климатската криза помеѓу 2016 и 2020 година, открија научниците од државната агенција за глечери.
Неговото тело е второто мумифицирано тело пронајдено на Андите.
Минатата година беа пронајдени посмртните останки на планинар кој исчезнал во моќниот планински венец пред 41 година.
Марта Емилија Алтамирано (20) починала за време на експедицијата во март 1981 година.
Марта се лизнала на мразот на надморска височина од речиси 5.000 метри и паднала стотици метри подолу, вели нејзината сестра која била со неа.
Нејзиното тело било пронајдено заглавено во глечерот и властите морале да го скршат мразот за да ја извлечат.
Подготвено од М.Д.
About Author
