30.07.2024 Скопје
Поевтинува парното греење во Скопје. Цената за домаќинствата се намалува за 3,16% за корисниците на ЕСМ, а пониски сметки ќе плаќаат и приклучените на топланата Скопје Север и ЕСМ Енергетика.
Помали трошоци ќе имаат и фирмите, училиштата и институциите кои користат централно градско греење.
Пресметката за домаќинствата е направена без субвенции, a ако продолжи државната помош намалувањето би било над 17%.
Бислимовски рече дека дел од компаниите не биле задоволни од одлуката за намалување на цената и најавиле дека ќе ја обжалат пред Управниот суд.
Тој уште еднаш го повика ЕСМ што побрзо да ги постави цевките под мостот Беласица со што ќе може да се испорачува повеќе топлинска енергија од ТЕ-ТО која е значително поевтина отколку од топланите.
Дополнително, алтернативниот цевковод е со помал капацитет и ако зимата биде студена ќе има проблеми во снабдувањето.
Новите цени ќе важат од 1-ви август.
На парно во Скопје се греат околу 64 илјади домаќинства.
About Author
