12.06.2024 Скопје
Енергетската сигурност и зелената енергија се двата приоритета кои ќе треба да ги надминат партиските политики, порача американската амбасадорка во земјава Анџела Агелер.
Обраќајќи се на седмото издание на Македонскиот енергетски форум (МЕФ) што се одржува во Скопје, Агелер истакна дека Република Северна Македонија во голема мера закрепна од неодржливото енергетско опкружување, но допрва претстојат вистински предизвици. Според неа, земјава треба да го заврши грчко-македонскиот гасовод кој ќе ги елиминира, како што рече, зависноста од Русија и заканите на одредени прекини во снабдувањето.
„Со интерконекторот Република Северна Македонија ќе може да гради централи со погон на гас и да ја олесни транзицијата на земјата од јаглен кон други извори“, потенцира Агелер, потсетувајќи дека Република Северна Македонија ја има поддршката од САД за спроведување на зелената транзиција.
На форумот ќе стане збор за воспоставување енергетска сигурност и безбедност во регионот, трансформација на енергетската инфраструктура, еколошка одржливост, примена на технологија и иновации, како и за финансирање на реформите кон зелена транзиција.
Во обраќањето на мандатарот Христијан Мицкоски, кој нагласи дека енергетската ефикасност ќе биде приоритет на идната влада.
Пред него зборуваше и евроамбасадорот Дејвид Гир, кој уште еднаш ја искажа европската поддршка за реформите на земјава кон зелената транзиција.
Подготвено од М.Д.
About Author
