07.06.2024 Скопје
Соединетите држави ја покануваат Кина да присуствува на јунскиот самит за Украина, што ќе се оддржи во Швајцарија, изјави во четвртокот портпарол на Стејт департментот.
Тој им рече на новинарите дека Кина присуствувала на претходните самити и дека „нејзиното присуство било од помош“.
„Сметаме дека нивното присуство овде би било корисно“, рече портпаролот на Стејт департментот.
Пекинг, кој има блиски врски со Москва, засега има став дека нема да учествува на самитот на 15-16 јуни во Швајцарија, тврдејќи дека присуството на двете страни е предуслов за каква било суштинска мировна конференција.
Русија не е поканета на состанокот во Швајцарија.
Киев соопшти дека повеќе од 100 земји ја прифатиле поканата за самитот, кој според Москва нема да има смисла без Русија.
Подготвено од М.Д.
About Author
