19.06.2024 Скопје
Американско-саудискиот 50-годишен договор за трговија со нафта во долари истече на почетокот на јуни.
Вашингтон и Ријад го склучија „договорот за петродолар“ на 8 јуни 1974 година, по нафтената криза и американското напуштање на „златниот стандард“.
Саудиска Арабија потоа се обврза да продава нафта на странски пазари во долари и вишокот приход да го инвестира во американски државни обврзници. Од друга страна, САД и ветија на Саудиска Арабија воена поддршка и заштита, пишуваат аналитичарите.
Договорот беше корисен и за саудиската и за американската страна. САД обезбедија извор на нафта и пазар за својот долг, а Саудиска Арабија гаранција за економската и националната безбедност.
Во меѓувреме, САД се пробија во групата на водечки светски производители на нафта, пред се благодарение на бумот на производството на шкрилци, а Саудиска Арабија се обидува да го намали уделот на нафтата во домашната економија и да ја прошири својата база во сектори како туризмот и транспортот .
Денес, доларот има статус на водечка резервна валута во светот, со учество во девизните резерви од 58,4 отсто во 2023 година, се вели во неодамнешниот извештај на Европската централна банка (ЕЦБ).
Подготвено од М.Д.
About Author
