07.06.2024 Скопје
Североисточниот дел на САД се подготвува за инвазија на џиновски отровни пајаци со нозе долги околу 10 сантиметри. Станува збор за пајаците Џоро кои можат да летаат.
Претходно оваа година, Њу Џерси за контрола на штетници предупреди на пајаците кои доаѓаат, велејќи дека тие „тешко се пропуштаат“ бидејќи женките имаат распон на нозете до 10 сантиметри и се познати по нивното светло жолто тело.
„Џоро пајаците се одликуваат со нивната способност да летаат, особина невообичаена кај пајаците. Тие не летаат како птици, туку користат техника позната како балонирање, во која ослободуваат свилени нишки во воздухот, дозволувајќи им да ги носи ветрот“, изјавија од Контролата на штетници во Њу Џерси.
Хозе Р. Рамирез-Гарофало, еколог од Лабораторијата Локвуд на Универзитетот Рутгерс, изјави за SI Live дека прашањето е кога, а не дали пајаците ќе пристигнат во Њујорк.
Пајаците се по потекло од Азија, но беа внесени во Северна Џорџија околу 2010 година и продолжија да се шират од таму. Експертите предупредија дека пајаците би можеле да се прошират во Њујорк до 2022 година, но никој сè уште не е откриен.
„Податоците покажуваат дека пајакот Џоро веќе населува голем дел од источните делови на САД, Местото од каде што потекнуваат се совпаѓа со поголемиот дел од Северна Америка и затоа можат да се населат таму“, изјави експертот за инвазивни видови Дејвид Којл.
Џоро пајаците се отровни, но Којл вели дека тие не претставуваат никаква опасност за луѓето.
„Тој отров е резервиран за суштества фатени во нивните мрежи, вклучувајќи пеперутки, оси и бубашваби. Тие можат да претставуваат закана за домашните пајаци. Немаме докази дека овој вид на пајаци им нанел штета на луѓето или на домашните миленици“, рече тој.
Подготвено од М.Д.
About Author
