26.06.2024 Скопје
Хановер, главниот град на германската сојузна покраина Долна Саксонија, воведе ново правило. Се забранува наводнување на јавни и приватни површини од 11 до 17 часот штом температурата надмине 27 степени Целзиусови.
Во Долна Саксонија во наредните денови се очекуваат температури до 30 степени. Секој кој ќе биде фатен дека не ја почитува оваа регулатива може да биде казнет со парична казна до 50.000 евра.
Ако температурата падне под 27 степени пред 17 часот, повторно е дозволено наводнување. Сепак, експертите во регионот препорачуваат наводнување само навечер или наутро ако сонцето е силно. Во овој период на некои места е забрането и полнење на базени и миење автомобили.
Краток, но интензивен топлотен бран во четврток ќе го достигне својот врв во Германија: во Хановер ќе биде околу 30 степени. Крај на топлотниот бран се очекува за викендот.
Подготвено од М.Д.
About Author
