12.06.2024 Скопје
Илјадници жители го напуштија јужниот мексикански град Тила, бегајќи од тридневната опсада на вооружените нарко банди, а владините трупи патролираат по празните улици.
Сите жители на Тила, околу 4.000 луѓе, избегале од градот, а некои со државни автобуси стигнале до блиските засолништа.
Во текот на ноќта на 4 јуни, десетици тешко вооружени лица пристигнале во Тилa со камиони и почнале да пукаат во куќи и деловни објекти, палејќи згради.
Насилството во Тила траело три дена, до 7 јуни кога пристигнала војската.
Државните власти објавија дека во тој град се распоредени околу 5.000 војници, а шестмина осомничени се приведени.
Некои жители изјавија дека многу од напаѓачите носеле маски, се чинело дека се малолетници кои ограбувале продавници, палеле автомобили и се обидувале да упаднат во домовите.
Многу мексикански градови се пусти по насилството на нарко бандите, а жителите бараат азил во САД.
Подготвено од М.Д.
About Author
