13.06.2024 Скопје
Најголемиот германски снабдувач со гас Унипер објави дека го раскинува долгорочниот договор за снабдување со гас со Газпром.
Унипер денеска одлучи да ги раскине долгорочните договори за набавка на гас од Русија и со тоа правно ги заврши долгорочните односи со руската државна компанија Газпром експорт“, се наведува во соопштението на германската компанија.
Како што се посочува, одлуката е донесена откако арбитражниот суд на 7 јуни му даде право на Унипер да ги раскине договорите.
Газпром Експорт ја прекина испораката на гас за Унипер во средината на 2022 година.
Од 2022 година, многу европски земји делумно или целосно престанаа да добиваат гас од Гаспром. Пролетта руската компанија ги намали или прекина испораките за Бугарија, Полска, Финска, Холандија, Германија и Данска, а како причина најмногу го наведе тоа што не го спроведоа указот на претседателот на Русија за плаќање на гас во рубли. До есента таа година, испораките долж главната траса – Северен тек – престанаа.
Испораките по белоруската рута „Јамал – Европа“ беа исто така прекинати, а по украинската рута беше значително намалена.
Подготвено од М.Д.
About Author
