13.05.2024 Скопје
Претседателот на Србија, Александар Вучиќ, денеска во Белград ќе има средба со комесарот на Европската унија за соседска политика и проширување, Оливер Вархеји.
Почетокот на средбата е најавен во 17:00 часот. По средбата, Вучиќ и Вархеји ќе одржат прес конференција.
Иако до пред неколку дена се чинеше дека приемот на Косово во Советот на Европа е речиси завршена работа, Приштина веројатно ќе мора да почека за да се приклучи на таа меѓународна организација.
Имено, откако Косово кон средината на минатиот месец доби „зелено светло“ за членство во Советот на Европа на Парламентарното собрание, се очекуваше тоа да биде потврдено дури на следната седница на Комитетот на министри за надворешни работи, која ќе ќе се одржи следната недела.
Инаку, премиерот на Косово, Аљбин Курти, пред неколку дена изјави дека не прифаќа дека почетокот на формирањето на Заедницата на српските општини е основа за членство на Косово во Советот на Европа, оценувајќи дека тоа е услов меѓународните сојузници да зажалат. Тој смета и дека формирањето на Заедницата на српските општини и членството во Советот на Европа се два посебни процеси.
Подготвено од М.Д.
About Author
