22.0.2024 Скопје
САД велат дека Русија минатата недела лансирала сателит за кој верува дека е способен да напаѓа други сателити.
„Русија лансираше сателит во ниската Земјина орбита за кој веруваме дека е напаѓачко вселенско оружје. Тој се наоѓа во истата орбита како американски владин сателит. Ќе продолжиме да ја набљудуваме ситуацијата и ќе бидеме подготвени да ги штитиме нашите интереси“, изјави портпаролот на Пентагон, генералот Пет Рајдер.
Русија досега не ги коментираше овие наводи.
Портпаролот на Вселенската команда на САД кажа дека сателитот „космос 2576“ бил лансиран на 16 мај од рускиот космодром Плесетск, околу 800 километри северно од Москва, додавајќи дека тој се наоѓа во истата орбита со американскиот сателит „УСА 314“.
Москва и Вашингтон често се судираа околу прашањето за вселенско оружје во изминатите недели, при што меѓусебно се обвинуваа дека се обидуваат да ја вооружат вселената. Портпаролката на руското министерство за надворешни работи Марија Захарова кажа дека САД се обидуваат да ја претворат вселената во арена за воен судир.
Бројни воени експерти долго време предупредуваа дека вселената веројатно ќе биде следниот фронт на војување.
Подготвено од М.Д.
About Author
