27.05.1014 Скопје
Министеро Демири тврди дека 170 фантомски пациенти воопшто ги немало во системот „Мој термин“ и со ова тврдење го правда разрешувањето на медицинскиот директор на клиниката за кардиохирургија Марјан Шокаровски.
Демири уверува дека случајот нема да заврши само со разрешувањето на докторот, туку ќе следува и пријава до јавното обвинителство поради сомнежи за фалсификат, односно дека се бришени луѓе од „Мој термин“, но изворот на информациите, министерот не сакаше да го открие. Тој ги прокоментира и информациите за зголемена смртноста на Клиниката, што треба да го утврди посебна Комисија.
Веста за зголемена смртност, според која, во изминатиот период на Кардиохирургија смртноста се движела меѓу 25 и 40 проценти, односно, во последниве три месеци, од 31 операција, починале дури 14 пациенти.
Шокаровски, пак, денеска ги отфрла ваквите наводи и наводите на Демири. Најави дека наскоро ќе излезе со официјално соопштение. Според него, разрешувањето е спротивно на изборниот закон бидејќи е донесено од технички министер.
Покрај Шокаровски, разрешена е и Александра Ефтимова која ја водела програмата за ангажирање на српски експерти кои земале дневница од 700 евра. Демири вели причина за тоа е бидејќи бил бојкотиран и таа не му доставила официјален извештај за кои доктори станува збор.
Инаку, Шокаровски ја презеде фунцкијата медицински директор на кардиохирургија по скандалозното разрешување на докторот Сашко Јовев.
Подготвено од М.Д.
About Author
